ეპილაცია სახლშიც შესაძლებელია…
ძვირფასო მკითხველო, იცოდი რომ ეპილაციის გაკეთება სახლშიც შეგეძლო? შენთვის ძალიან სასიამოვნო ამბავი გვაქვს. თანამედროვე ეპილაციის აპარატს შეუძლიათ ზუსტად იგივე შედეგი მოგცეს, როგორსაც შენი საყვარელი სალონი გთავაზობს, ხოლო შენ სახლის დატოვებაც კი არ მოგიწევს. დიახ, ეს ნამდვილად ასეა. თუ ოდესმე თმის სახლის პირობებში მოშორებაზე გიოცნებია, ან უბრალოდ სალონი გაქვს და მაღალი ხარისხის აპარატების შეძენა გინდა, მაშინ win-win-ს შენთვის უამრავი საინტერესო პროდუქტი ექნება.
ეპილაცია რატომ გვჭირდება?
შევთანხმდეთ, რომ აბრეშუმისებრი, გლუვი კანის შეგრძნება ყველას ძალიან გვიყვარს, მითუმეტეს როდესაც თბილი სეზონები იწყება. მნიშვნელობა არ აქვს რაიმე განსაკუთრებული დღისთვის ვემზადებით თუ საკუთარი თავის განებივრება გვინდა, სხეულიდან არასასიამოვნო თმის მოცილება სილამაზის რუტინის ნაწილია. რა თქმა უნდა, ამისთვის უფრო ტრადიციული მეთოდებიც არსებობს, მაგალითად გაპარსვა ან დეპილაციისთვის განკუთვნილი კრემები, თუმცა ორივე მათგანს კანის დაზიანება და გაღიზიანება შეუძლია. სწორედ ამიტომ, თანამედროვეობაში ეპილაცია ერთ-ერთ ყველაზე სასურველ არჩევანად ითვლება, რომელიც პრობლემის უფრო ინოვაციური და გრძელვადიანი გადაწყვეტაა.
და მაინც, რა არის ეპილაცია? ეს არის თმის ძირების სხეულიდან მოშორების პროცესი სპეციალიზებული მოწყობილობების გამოყენებით. გაპარსვისგან განსხვავებით, რომელიც თმის მხოლოდ ზედა ნაწილს აშორებს, ეპილაცია უფრო სიღრმისეული გადაწყვეტაა, შესაბამისად, შედეგიც ხანგრძლივი და მეტად სასიამოვნოა.
წარმოიდგინე, თანამედროვე აპარატები იმდენად მძლავრია, რომ თმის ღერებს სულ რამდენიმე წამში აქრობენ, კანს კი დაუზიანებელს ტოვებენ. და თუ ტკივილის გეშინია, უნდა გიხაროდეს, რადგან მათ უმრავლესობას ჩაშენებული ფუნქციები აქვს, რომლებიც ეპილაციის პროცესს ბევრად სასიამოვნოსა და ნაკლებად სტრესულს ხდიან.
მაგრამ ხშირად პრობლემა მხოლოდ ტკივილი არ არის… ზოგიერთი ადამიანი გაპარსვის შემდეგ სიწითლესა და ქავილის შეგრძნებას განიცდის, რაც, დამეთანხმები, ნამდვილად უსიამოვნოა. თანამედროვე ეპილაციის აპარატი კი მარტივად დაგეხმარება, რომ მსგავსი გვერდითი მოვლენები საკუთარ კანზე არ გამოცადო.
იცოდი, რომ თმის მოშორების სხვადასხვა მეთოდი უკვე საუკუნეებია არსებობს?
დიახ, გლუვი კანი არ არის მხოლოდ თანამედროვე სილამაზის ტენდენცია – ის საუკუნეების განმავლობაში არსებობს. ძველი ეგვიპტიდან მოყოლებული, არასასურველი თმის მოშორებას ყველგან და ყოველთვის ცდილობდნენ.
სხვათა შორის, თმის მოშორების პროცედურები ათასობით წლით თარიღდება. არ გაგიკვირდეს, რომ ამ მხრივ განსაკუთრებით ეგვიპტელები გამოირჩეოდნენ, რომლებიც თავიანთი სილამაზის რიტუალებით ფართოდ ცნობილნი არიან. თუმცა, ეპილაციის აპარატის ნაცვლად ისინი შაქრის შემცველ პროდუქტებს იყენებდნენ. ცნობილია, რომ თავად კლეოპატრაც კი ამ გზას მიმართავდა, რათა მისი სილამაზის შესახებ გავრცელებული ლეგენდები სიმართლედ დარჩენილიყო.
აი ძველ რომში, გლუვი კანი სისუფთავისა და მაღალი სოციალური სტატუს განმსაზღვრელი ერთ-ერთი მთავარი ნიშანი იყო. ამ დროს მდიდარი რომაელი ქალები არასასურველი თმის მოსაშორებლად პემზას, კაჟისგან დამზადებულ საპარსებს და პინცეტების მსგავს ნივთებსაც კი იყენებდნენ.
ხოლო შუა საუკუნეებში ევროპელი ქალები წარბებს შორის თმებს იშორებდნენ, რათა შუბლს უფრო მაღალი იერი ჰქონოდა, რადგან იმ დროს ასეთი შუბლი განსაკუთრებით მოდურად ითვლებოდა.
სწორედ ამ ყველაფერმა განაპირობა მოდის ტენდენციების შეცვლა და ეპილაციის აპარატის საჭიროება. დღეს, თანამედროვე ეპილაციის აპარატი საშუალებას გაძლევს, ასეთ საკითხებს მინიმალური ძალისხმევითაც კი გაუმკლავდე.
მანამდე მოდი ერთ ძალიან საინტერესო ფაქტს გეტყვი. მაგალითად, იცოდით რომ ეპილაციას შეუძლია თმა დროთა განმავლობაში უფრო რბილი და სასიამოვნო გახადოს? საქმე იმაშია რომ რეგულარული ეპილაცია ასუსტებს თმის ღერის მოლეკულებს, რაც თხელი და რბილი თმის ღერის ხელახალ ზრდას იწვევს, ყოველ მომდევნო ჯერზე კი ასეთ თმასთან ბრძოლა უფრო მარტივი ხდება.
გარდა ამისა, ეპილაციის დახმარებით ისეთ პრობლემას იშორებ თავიდან, როგორიც მაგალითად გაპარსვის ყოველდღიური რუტინა იქნება. გრძელვადიანი შედეგი იმას ნიშნავს, რომ შენი დრო და ენერგია მაქსიმალურად დაიზოგება. უნდა აღინიშნოს, რომ თანამედროვე ეპილაციის აპარატს თმის ზრდის იმდენად შემცირება შეუძლია, რომ ბოლოს ის სრულიად გაქრეს. კიდევ იმაზე დაფიქრდი, რამდენად თავდაჯერებულად გაგრძნობინებს თავს კანი, რომელიც თმის უსიამოვნო ღერებისგან არის თავისუფალი.
მოდი შევაჯამოთ… ეპილაცია არის საკუთარ თავზე ზრუნვის ეფექტური მეთოდი, რომელიც ჩვენს დროს, ფულსა და სირთულეს საგრძნობლად ზოგავს. ეპილაციის აპარატი, რომლის გამოყენებაც საკმაოდ მარტივია, გთავაზობს გრძელვადიან შედეგსა და აბრეშუმისებრ გლუვ კანს, რომელიც ყოველთვის გინდოდა. ასე რომ, თუ ეპილაცია ჯერ კიდევ არ გიცდია, რას ელოდები?
გახსოვდეს, შენ ყოველდღე იმსახურებ რაღაც საუკეთესოს იმისთვის, რომ თავი განსხვავებულად, სასიამოვნოდ და თავდაჯერებულად იგრძნო!
