ახლად გაკეთებული ფრჩხილები ჯადოსნურად უნდა გამოიყენებოდეს, რადგან მოწესრიგებული ფრჩხილები მხოლოდ სილამაზეს არ გვანიჭებს, თავდაჯერებულობასაც გვმატებს. ბოლო დროს ფრჩხილებს სახლის პირობებში ძალიან ბევრი ადამიანი იკეთებს, რადგან ყოველდღიური ცხოვრება უფრო ცოცხალი და აქტიური გახდა, მაგრამ პროფესიონალური მანიკური და პედიკური რომ გაიკეთო, შესაბამისი ნივთები და აღჭურვილობა გჭირდება.
კარგი ამბავი? Win-Win-ის მრავალმხრივ კოლექციაში უკვე შეგიძლია არაერთი საინტერესო პროდუქტი აღმოაჩინო, რომელიც მანიკურის და პედიკურის გაკეთების პროცესს ბევრად საინტერესოსა და კომფორტულს გახდის. Win-Win-ის დახმარებით შეძლებ რომ სილამაზის სალონი პირდაპირ შენს სახლში გადმოიტანო. მნიშვნელობა არ აქვს ამ საქმეში დამწყები ხარ თუ უკვე პროფესიონალურ დონეზე მუშაობ, შეგიძლია 5 მთავარი ნივთი შეარჩიო, რომელთა დახმარებითაც იდეალურ შედეგს ძალიან სწრაფად და მარტივად მიიღებ.
შენი საოცნებო მანიკური ძალიან ახლოსაა…
საკუთარი მანიკურის ან პედიკურის გაკეთება ნიშნავს მეტ მოქნილობას დროის მხრივ, კომფორტს და შემოქმედებით თავისუფლებას. შეიძლება დატვირთული განრიგის გამო ფრჩხილების მოწესრიგება საღამოს დაიწყო, როდესაც შენი საყვარელი სილამაზის სალონი უკვე დაკეტილია. Win-Win სწორედ ასეთი პრობლემების მოგვარებაში დაგეხმარება.
მაგრამ სახლში მანიკურის ან პედიკურის გაკეთება მხოლოდ დროის და ფინანსურ მოქნილობას არ ნიშნავს. ეს ასევე თვითმოვლის ერთ-ერთი ფორმაა, რომელიც გაბედნიერებს და საკუთარ თავზე ზრუნვისა და საკუთარი პიროვნების გამოხატვის შესაძლებლობას გაძლევს.
მაკრატელი ან მკვნეტარა – ნივთი, რომლითაც შენს ფრჩხილებზე ზრუნვა იწყება…
ნებისმიერი ლამაზი მანიკური და პედიკური ფრჩხილების მომზადებით იწყება. ეს იმას ნიშნავს, რომ მაკრატელი და მკვნეტარა უნდა იყიდო, რომლითაც ნუნებს მოიწესრიგებ და ფრჩხილს სასურველ ფორმებს მისცემ. ეს პაწაწინა ხელსაწყოები შეიძლება ძალიან მარტივად გამოიყურებოდეს, მაგრამ მანიკურის და პედიკურის გაკეთების პროცესში ერთ-ერთ ყველაზე მნიშვნელოვან როლს ასრულებენ.
მკვდარი კანის უჯრედების მოშორებით, შენი ფრჩხილისთვის სუფთა და გლუვ ზედაპირს ქმნი, რაც ხატვის დაწყებამდე ტილოს მომზადების პროცესს ჰგავს და ისეთივე მნიშვნელოვანია, როგორც თავად მანიკურის გაკეთების პროცესი.
ერთ რჩევას მოგცემ, მკვნეტარას გამოყენებამდე ფრჩხილი და ნუნები დაასველე, მნიშვნელობა არ აქვს ზეთს გამოიყენებ თუ რაიმე სხვა დამხარე სითხეს, ეს ნუნების დარბილებაში დაგეხმარება, შემდგომ მუშაობა კი გაცილებით გამარტივდება.
ფრჩხილის ქლიბი – იმიტომ, რომ ფრჩხილის ფორმა მთელს დიზაინს განსაზღვრავს…
ოვალური, ნუშის ფორმის, ბალერინა ან უბრალოდ კვადრატი – შენი ფრჩხილის ფორმა საბოლოო მანიკურს და პედიკურს განსაზღვრავს. ფრჩხილის ფორმა შენი პირადი სტილის გამოხატვის იდეალური შესაძლებლობაა. გარდა ამისა, ფრჩხილის ქლიბი კიდეების შესწორებაში და ზედაპირის თანაბრად გადანაწილებაში დაგეხმარება.
ფრჩხილების გაქლიბვა შეიძლება შრომატევად პროცესად გეჩვენებოდეს, მაგრამ დამიჯერე, ეს ძალიან დიდ განსხვავებას მოგცემს. ლამაზი ფრჩხილის ფორმა მანიკურის და პედიკურის გარეშეც კი კარგად გამოიყურება, ბევრად უფრო პრიალა და მოწესრიგებულია და ხშირად რაიმე მკვეთრი ფერის მანიკურის დამატება არც კი სჭირდება.
რატომ არის ქლიბი ასეთი მნიშვნელოვანი? – ერთი მხრივ, ფრჩხილის ქლიბი ფორმას ქმნის, მეორე მხრივ კი ფრჩხილის უსაფრთხოებაზე ზრუნავს. ფრჩხილების ჯანმრთელობა მხოლოდ მათ მოწესრიგებას და მანიკურის ან პედიკურის გაკეთებას არ ნიშნავს, ეს ინფექციების თავიდან არიდებასაც უზრუნველყოფს.
დაბალი ხარისხის ან არასანიტარიული ფრჩხილის ქლიბის გამოყენებამ შეიძლება ფრჩხილები ზედმეტად დაგითხელოს, ნუნები გაგიჭრას და ბაქტერიული ინფექციებიც კი გამოიწვიოს. სწორედ ამიტომ, პროფესიონალური ხარისხის ხელსაწყოები გჭირდება, როგორიცაა Win-Win-ის მიერ შემოთავაზებული ფრჩხილის ქლიბი. ეს ქლიბი არის უსაფრთხო, სანდო და რაც მთავარია, ძალიან ეფექტური.
გელი – რომელიც მთელი თვე არ მოგშორდება…
როდესაც ჩვეულებრივ მანიკურს და პედიკურს ვიკეთებთ, ფერი რამდენიმე დღეში გადადის, გელს კი ეს პრობლემა არ აქვს. გელ-ლაქი ჩვენს დროს საგრძნობლად ზოგავს, რადგან ძალიან სწრაფად შრება UV/LED ნათურის ქვეშ და ძლებს ორ-სამ კვირამდე. Win-Win-ის არჩევანში ნებისმიერი ფერის გელს შეიძენ, მნიშვნელობა არ აქვს უფრო სადა სტილი გჭირდება თუ რაიმე მკვეთრი. ოღონდ არ დაგავიწყდეს, უფრო დახვეწილი და ლამაზი ეფექტის მისაღებად ხარისხიანი ფუნჯების ნაკრებიც გჭირდება.
UV/LED ნათურა – აუცილებელია, სხვა შემთხვევაში გელი არასდროს გაშრება…
არცერთი გელის ლაქი არ არის სრულყოფილი UV/LED ნათურის გარეშე. ეს ხელსაწყო ეხმარება გელს გამკვრივებაში და ამისთვის სულ რამდენიმე წამი ან წუთი სჭირდება, შედეგად კი პრიალა და სალონის მსგავს შედეგს მიიღებ, რომელიც დიდი ხნის განმავლობაში გაგყვება.
UV/LED ნათურა არა მხოლოდ დროს დაგიზოგავს, არამედ უზრუნველყოფს რომ შენი მანიკური და პედიკური ბზინვარედ და დახვეწილად გამოიყურებოდეს.
მანიკური – ყველაზე მნიშვნელოვანი ნაწილი…
მანიკურის და პედიკურის ფერის სწორად შერჩევა შენი თვის განწყობის შექმნას ჰგავს. უფრო სადა და ღია ფერები ელეგანტურ, დახვეწილ სტილსა და ხასიათს ქმნის, ხოლო უფრო მკვეთრი ფერები იდეალურია სეზონების ცვლილებებისთვის და კლასიკური სტილისთვის. არ დაგავიწყდეს დიზაინის სხვადასხვა ნახატებით, ფერებით ან პატარა დეტალებით გაფორმება, განსაკუთრებით მაშინ, თუ ამ თვეს წვეულებებზე წასვლას აპირებ.
მზად ხარ შენი საკუთარი სტილი და განწყობა შექმნა?
იმისთვის რომ შენი ფრჩხილები, მანიკური და პედიკური იდეალურად გამოიყურებოდეს, სალონში სიარული საჭირო სულაც არ არის, უბრალოდ Win-Win-ის კატალოგები გახსენი და ეს 5 მთავარი ნივთი, ან პირდაპირ შილაკის ნაკრები შეარჩიე. ამის დახმარებით უნაკლო, სალონის მსგავს შედეგს ნებისმიერ დროს მიიღებ.
