სილამაზეს ხომ ყველა ინდივიდუალურად აღიქვამს?!
ამის შესახებ ჩვენს ბლოგებში ხშირად ვსაუბრობთ, ყველას თავის წარმოდგენაში ჰყავს “ქალღმერთი”, რომელიც სწორედ სილამაზეს გამოხატავს.თუმცა დღევანდელი ჩვენი მთავარი გმირი თავისი საოცარი სიძლიერით, – ნამდვილად ქალღმერთია.
კლეოპატრას სამყაროში მოგზაურობას ვიწყებთ, გამომყევი!
ეგვიპტის უკანასკნელი დედოფალი, ანტიკური სამყაროს სახელგანთქმული პერსონაჟი იყო. ძლიერი, ამბიციური, შეუპოვარი ქალბატონი. ბერძენი ისტორიკოსი, პლუტარქე წერდა: “ამბობენ, რომ გარეგნობით დედოფალი დიდად არ გამოირჩეოდა, თუმცა, როდესაც საუბარს იწყებდა, შეუდარებელი იყო და თავისი ქარიზმით ყველას ატყვევებდა”.
კლეოპატრა არ ყოფილა ეგვიპტელი, მამამისი მაკედონიელი იყო და ალექსანდრე მაკედონელის კარზე ერთ-ერთი მოწინავე გენერალი გახლდათ. კლეოპატრამ კარგად შეისწავლა ეგვიპტური ენა და ამ ქვეყნის წეს-ჩვეულებები, რის გამოც მალევე დაიმსახურა ეგვიპტელი ხალხის სიყვარული.
კლეოპატრა ცნობილი იყო რომაელი მხედართმთავრის, მარკუს ანტონიუსისადმი სიყვარულით, ისინი დაქორწინდნენ. დედოფალი იმდროინდელ უდიდეს ინდუსტრიებს აკონტროლებდა, როგორიცაა პაპირუსები, ხორბალი, სუნამოები. დედოფლის წმინდა ქონება შეფასებულია 95,8 მილიარდ დოლარად. კლეოპატრა ბევრ ენაზე საუბრობდა, მათ შორის ოყო: ბერძნული, არაბული, სპარსული, სომხური, ეგვიპტური…
დედოფალი 39 წლის ასაკში გარდაიცვალა, მან სიცოცხლე თვითმკვლელობით დაასრულა, რათა არ გამხდარიყო რომის პირველი იმპერატორის, ოქტავიანე ავგუსტუსის ტყვე. ცნობილია, რომ ის კობრას სახეობის გველის ნაკბენით დაიღუპა და ეს მისი სურვილი იყო. კლეოპატრას საფლავი ჯერ კიდევ არ არის აღმოჩენილი.
კლეოპატრას შესახებ 1963 წელს გადაღებული ფილმი ყველაზე ძვირადღირებული ფილმი იყო მსოფლიოში. ფილმში “ნილოსის დედოფალი” – მთავარი როლები კლოდეტ კოლბერტმა და სოფი ლორენმა ითამაშეს. თუმცა გაცილებით პოპულარული აღმოჩნდა ელიზაბეტ ტეილორის შესრულებით ფილმი “კლეოპატრა”, მხოლოდ მსახიობის კოსტიუმებში იმ დროისთვის კოლოსარული თანხა – 200 000$ დაიხარჯა.
ცნობილია, რომ დედოფალი ყოველთვის გადამეტებულად ზრუნავდა სილამაზესა და თავის მოვლაზე. დიდ ყურადღებას უთმობდა საკუთარ გარეგნობას. კლეოპატრას თავის მოვლის საშუალებებიდან უამრავი რამაა ცნობილი, მათ შორის სხეულის “კრემები”, რომლებიც მზადდებოდა ხარისა და ცხვრის ქონით, ნუშით, აბუსალათინის და ზეთისხილის ზეთებისგან.
ბევრისთვის ის სულაც არაა ლამაზი, დიდებული, საოცარი ქალი. პირიქით, კლეოპატრა სავსე იყო “სკანდალებით”, თუმცა ფაქტია, რომ დედოფალმა საკუთარი ეპოქა შექმნა. როდესაც ვსაუბრობთ ძლიერ ქალებზე, შეუძლებელია არ გაგახსენდეს მისი სახელი.
და მაინც, როგორ ფიქრობ, რა განსაზღვრავს სილამაზეს?
მე მაინც მგონია, რომ ეს შინაგანი გამოძახილია, რაღაც ძალიან ღრმა, რომელიც თან გდევს და რომელსაც ასხივებ.სიძლიერეს გისურვებ ჩემო მკითხველო, რათა ყოველთვის შეძლო საკუთარი თავის რეალიზება.
გახსოვდეს, ასეთი ქალი ყოველთვის ბრწყინავს და ლამაზია!
გამოყენებული წყაროები:
history.com
bpn.ge
wikipedia
intermedia.ge
