საკუთარ თავზე ზრუნვა ყოველთვის მნიშვნელოვანია. ფრჩხილების მოვლა კი თავის მოვლის შემადგენელი ნაწილია. მოდით შევთანხმდეთ, რომ მოწესრიგებული ფრჩხილები ნამდვილად ესთეტიური შესახედია.ჩემო მკითხველო, ფრჩხილების მოვლის სპეციალისტი უნდა გაგაცნო, საინტერესო რჩევებით და დიდი გამოცდილებით.
გამომყევი!
სედა უკვე 10 წელია ფრჩხილის მოვლის სპეციალობით მუშაობს.
ამ საქმიანობით ადრეული ასაკიდან დაინტერესდა: “მოვლილი ფრჩხილები ქალისთვის მნიშვნელოვანია”.
2014 წლიდან კი აქტიურად დაიწყო საყვარელი საქმის კეთება.
“საკუთარ თავზე, სილამაზეზე ზრუნვა ყოველთვის კარგია, ამის განუყოფელი ნაწილია ფრჩხილების მოვლა. მიხარია, რომ ქალბატონების გალამაზებაში მეც მიმიძღვის წვლილი და ჩემგან მოწესრიგებული ფრჩხილებით კმაყოფილნი მიდიან”.
სედას, რა თქმა უნდა, რჩევებსა და რეკომენდაციებზე ვკითხეთ, რა უნდა გავითვალისწინოთ შილაკის გაკეთებისას: “შილაკის დატოვება სამ კვირაზე მეტი არ არის რეკომენდებული. სამი კვირის შემდეგ უნდა განაახლოთ. აუცილებლად უნდა აღვნიშნო, რომ სპეციალისტის ჩართულობის გარეშე შილაკის მოხსნა სახლის პირობებში აზიანებს ფრჩხილის ფირფიტებს”.
საინტერესოა განსხვავება ჩვეულებრივ ლაქსა და შილაქს შორის. სედა აღნიშნავს, რომ მათ შორის ბევრი განსხვავებაა: “ორივეს აქვს თავისი დადებითი და უარყიფითი მხარეები. მაგალითად, შილაქის წასმისას ფრჩხილები უფრო ხანგრძლივად აქვს ქალს მოწესრიგებული, ხოლო ჩვეულებრივი ლაქის წასმისას თავს ვარიდებთ ულტრაიისფერ სხივებს”.
შენ რომელს ანიჭებ უპირატესობას?
ბაზარზე არსებულ კონკურენციასაც შევეხოთ. მისასალმებელია, რომ ჩვენს ქვეყანაში ფრჩხილის მოვლის ინდუსტრია საკმაოდ განვითარდა. გაჩნდა უამრავი სალონი, სადაც ფრჩხილის მოვლის სპეციალისტები საინტერესო და კრეატიულ მომსახურებას გვთავაზობენ. ბევრისთვის ფრჩხილის მოვლა ხელოვნებაა.
სედა მუდმივად ცდილობს დაიხვეწოს, განვითარდეს და არასდროს ჩამორჩეს ტემპს.
“ძალიან მინდა ამ სფეროში კიდევ უფრო განვვითარდე, მქონდეს ჩემი სალონი და ჩემი ცოდნა სხვასაც გავუზიარო, ეს იქნება სასწავლო კურსები თუ სხვა”.
სედა საკუთარი საქმიანობისთვის ხშირად იყენებს win-win-ის პროდუქციას: “ხარისხიანი ინვენტარი აქვთ, რომელიც მოხმარებაშიც კომფორტულია. სალონის გარდა, პირადი გამოყენებისთვის, სახლშიც შევიძინე არაერთი ნივთი. თამამად შემიძლია ვთქვა, რომ საქართველოს ბაზარზე საუკეთესოები არიან”.
სედას უყვარს დიზაინზე მუშაობა, მისი ნამუშევრებიც ფერადი და ყოველთვის დასამახსოვრებელია: “ახალი დიზაინების შექმნა დიდ მოტივაციას მაძლევს. მაქსიმალურად ვცდილობ, ყველა ჩემი მომხმარებელი მოვლილი და მისაბაძი იყოს”.
ბოლოს ჩვენი სტუმრისგან რამდენიმე კონკრეტულ რჩევას გიტოვებთ, იმისთვის, რომ შეინარჩუნოთ ჯანსაღი ფრჩხილები: “ლაქის წასმამდე ძალიან მნიშვნელოვანია ფრჩხილების მოწესრიგება, გასუფთავება, ფრჩხილის სწორი ფორმის მიცემა და ა.შ. სწორედ ამის შემდგომ ჩანს ფრჩხილზე ყველა ლაქი ლამაზად”.
სედას სამი მთავარი რჩევა win-win-ის აუდიტორიისთვის:
- არ გაიჩეროთ შილაკი ფრჩხილზე სამ კვირაზე მეტი;
- არ მოიხსნათ თქვენით;
- და, რა თქმა უნდა, გამოიყენეთ ხარისხიანი პროდუქცია. ხარისხი განაპირობებს საუკეთესო შედეგს.
წარმატებებს ვუსურვებთ სედას პროფესიულ საქმიანობაში.
ჩემო მკითხველო თქვენ კი წინ კიდევ გაგაცნობთ სპეციალისტებს თავის მოვლის სფეროდან, საინტერესო რჩევებით, ხრიკებით, რეკომენდაციებით.
იზრუნე საკუთარ თავზე და არ დაგავიწყდეს, განსაკუთრებული ხარ!
